నేను ప్రత్యేకం కానీ లోకంలోకి

 నేను ప్రత్యేకం కానీ లోకంలోకి

-శృంగవరపు రచన

పొగడ్తలు-తెగడ్తలు

దుఃఖాలు-సంతోషాలు

ఆదరణలు-నిరాదరణలు

అందాలు-అనాకారాలు

నిజాలు-నటనలు

కోపాలు-తాపాలు

అనుభూతులు-అనుభవాలు

స్పందనలు-ప్రతిస్పందనలు

ఆమోదాలు-విభేదాలు

అజ్ఞానాలు-విజ్ఞానాలు

స్వేచ్చలు-బానిసత్వాలు

రాతలు-చేతలు

ఈ భావవరణంలో

నేను ప్రత్యేకమని

తేలియాడుతున్న నేను...

నాబోటి వారు

ఉండరనే

భ్రమలో బ్రతికేస్తూ

ఈ నా ప్రత్యేక లోకంలో

నా మీద నేనే

జాలి కురిపించుకుంటూ

నన్ను నేనే

అభినందించుకుంటూ

నన్ను నేనే

విమర్శించుకుంటూ

ఇది సగటు జీవుల

ప్రత్యేక లక్షణమని

తెలుసుకుని

ఈ ప్రత్యేకలోకం నుండి

సాధారణత్వంలోకి

మరలడానికి

పయనమవుతున్నాను

ఈ పయనం

నా ప్రత్యేకత అనుకోకముందే!

* * *